9-29 сентябрьыште «Орлёнок» всероссийский йоча рӱдерыште «Президентские состязания» российысе таҥасымаш эртаралтын. Тушто оласе 85 да ялысе 79 команде-влак вийыштым тергеныт. Нунын коклаште меат, Коркатово лицейыште тунемше-шамыч (снимкыште), лийынна. Физкультурым туныктышо Елизавета Александровна Некрасовалан Шем теҥыз воктеке намиен коштыктымыжлан тауштена.
Мыланем таҥасымаш моткоч келшен. Кум арня жапыште спортын тӱрлӧ видше: куштылго атлетике, футбол, баскетбол, бадминтон, спорт туризм, шашке дене вий-куатнам тергенна. Мыланна ятыр оҥай программым ямдыленыт, тӱрлӧ мастер-классым эртареныт, бассейныште йӱштылынна. Теҥыз деке икмыняр гана миенна. Чылажат пеш келшен. Тыгай таҥасымаш умбакыжат спорт дене кылым кучаш да сайын тунемаш кумылаҥда.
Мирослав СЕМЁНОВ.
Морко, Коркатово.
Фотом школ архив гыч налме.
