Морко район Коркатово лицейыште тунемше-влак «Движение Первых» толкынын эртарыме акцийлашкыже рӱж ушнат. Ты ганат тыгак лийын. «Марафон Первых» акций радамыште лицейыште шыже кросс эртаралтын. Тушто 5-11-ше класслаште тунемше-влак вий-куатыштым тергеныт. Тыгай таҥасымаш икте-весе коклаште эн вияным, чытышым, чолгам ойыраш полша. Кажне икшыве сеҥышыш лекнеже. Теве 7-ше классыште тунемше Ярослав Яковлев (снимкыште) иктаҥашыже-шамыч коклаште икымше верым сеҥен налын. Тудлан медаль ден дипломым кучыктеныт. Ярослав лицейын чапшым районыштат, республикыштат арала.
Вячеслав СМИРНОВ.
Авторын фотожо.
