Виян шочмо йылме

Виктория Батаева Звенигово район Кужмара школын      9-ше классыштыже тунемеш. Йӧратыме урокшо – марий литератур. Шочмо йылмым пагалаш да аклаш туныктышо Т.М.Павлова кумылаҥда. Виктория Я.П.Майоров-Шкетанын, С.Г.Чавайнын, Н.С.Лекайнын произведенийлаштым куанен лудеш. Почеламутым лудмо конкурслаште, олимпиадылаште мас-тарлыкшым ончыкта.

– Шочмо йылме виян да келге вожан. Садлан марий сылнымут-влакат кумылым савырат. Роман-влак утларак келшат. С.Г.Чавайнын «Элнет» романже ушешем келге кышам коден. Тудо марий сылнымутышто ик эн виян произведенийлан шотлалтеш. Серызе марий калыкын илышыже вашталт толмым раш почын пуэн, – ойла Виктория.