Мый тений икымше классыш тунемаш каем. Школлан чылажат ямде: формо, туфльо, физкультурлан костюм, канцтовар да молат. Чылажат у, мотор, но сумка поснак келша. Тудо канде тӱсан, мераҥгым сӱретлыме. А эше ӧрдыжтыжӧ пушкыдо изи маска кеча. 1 сентябрьым вучен шуктыдеак, кажне кечын сумкам тупышкем сакалтен, пӧрт мучко коштам. «Ынде тыгай мотор сумка дене эре «визытаным» веле кондыман» манын, ачам-авам, ковам, акам ойлат. Шинчымаш кечым чот вучем, вет мыланем чылажат у да оҥай. Туныктышо дене палыме лийнем, у йолташ-влакым муаш шонем. Сайын тунемаш тыршаш тӱҥалам, «визытаным» веле налам.
Мария МАМАЕВА.
Йошкар-Оласе 23-шо номеран школ.
