Волонтёр лияш кумылаҥда

Морко район Коркатово лицейын тунемшыже Валерия Григорьева «Летняя двухдневная школа волонтёров победы – 2023» проектше дене «Микрогранты» всероссийский конкурсышто сеҥышыш лектын. Таҥасымашке 4561 паша пурен. Российын 68 кундемже гыч 295 проектлан грантым пуэныт.

Обществознанийым туныктышо Валентина Николаевна Васильева лицейыште «Волонтёром быть здорово» неслётым эртарыме деч вара проектым возаш  кумылаҥден.  У проект почеш районысо волонтёр-влакым иквереш погаш шонена. Вет шочмо элын историйжым, лӱмлӧ  еҥжым палаш, кертме семын шочмо кундемым тӱзаташ – моткоч кӱлешан паша. Ыштыме пашана арам огеш лий, шонем.  Проектым ончен,  ӱдыр-рвезе-влак волонтёр лияш кумылаҥыт. Валентина Николаевналан кугу тау, – ойла Валерия.