1-5 мартыште Йошкар-Олаште «Самырык профессионал-влак» (WorldSkills Russiа) регионысо чемпионат эртаралтын. Таҥасымаште 232 студент да 14-16 ияш 40 ӱдыр-рвезе тӱрлӧ компетенций дене мастарлыкыштым тергеныт. Нунын пашаштым 300 утла эксперт аклен.
– Чемпионат лектышан лийын. Тудо мучашлалтын гынат, республикыште Ворлдскиллс толкын дене паша умбакыже шуйна. Регионышто сеҥыше-влак да нунын туныктышышт Марий Эл Республикысе Правительствын грантшым тений икымше гана налыт, – ойлен Марий Эл Республикысе образований да науко министр Н.В.Адамова.
Снимкыште: «Кондитер паша» компетенцийыште 1-ше вер дене палемдалтше, Йошкар-Оласе 30-шо номеран школышто тунемше Екатерина Кожевникова.
Сеҥыше-влак Уфа олаште эртаралтше «Самырык профессионал-влак» IX национальный чемпионатыште Марий Элын чапшым аралаш тӱҥалыт.
