Визымше классыште тунемше-влак класс вуйлатышына Эльвира Васильевна Александрова дене пырля Кӱчыкэҥер ялыште илыше Ольга Изосимовна Семёнова деке унала мийышна (снимкыште). Тудо мемнам порын вашлие. Ольга кокай моткоч арун ила, пӧрт пырдыжым Игорь эргыжын сӱретше-влак сӧрастарат. Нуным ончен, ава эре шортеш. Игорь шке кумылын специальный военный операцийышке каен. Туддеч индеш тылзе нимогай увер уке. Ава эргыжым ӱшанен вуча. Кажне кечын тутло кочкышым ямдыла. Ольга кокай дене ятыр мутланышна. Ала мемнан дене жапым эртарат, чонжылан ласкарак лиеш, шонышна.
5-ше классыште тунемше-влак.
Морко, Эҥерсола.
Фотом школ архив гыч налме
