Телым вучен шуктышна. Мландым ош лум леведе. Лумлан куанен, ватрушкым кидыш налын, йолташ-влак дене пырля курык вуйыш шикшалтна. Тушто шуко йоча погынен ыле. Йӱк-йӱан торашке йоҥген. Эше пӱя ӱмбалне хоккейла модаш йӧратена. Вет кеҥежым тыге модаш ок лий.
Эмилия АЛЕКСАНДРОВА.
Морко, Коркатово.
Теле каныш годым Кутерем селасе «Нефтяник» тӱвыра пӧртыштӧ «Морозко» мюзиклым ончыктенна. Юзо лум пырче-влак пайремым весела куштымаш дене тӱҥалыныт. Мыят нунын коклаште лийынам. Марфушан рольжым авам модын. Снимкыште когыньнам ужыда.…
«Движение Первых» йоча толкын чолга ӱдыр-рвезе-влакым иквереш уша. Тудын радамыш пурышо-шамычын чотышт ий гыч ийыш ешаралтеш. Йоча-влак пырля ятыр поро пашам ыштат, кугыеҥ-шамычлан тӱрлӧ мероприятийым эртарымаште полшат, вийыштым, уш-акылыштым конкурслаште…