Медведево посёлкысо «Витязь» спортклубын дзюдоистше-шамыч (снимкыште) кеҥеж канышым пайдалын эртарат. Яльчик ер воктенысе «Политехник» базышке сборыш погыненыт. Спортсмен-влак шашке да футбол дене модмаште, куржталмаште, иймаште, капкылым нӧлтымаште, дартсым кышкымаште, кучедалмаште, полосам тÿрлӧ чарак дене эртымаште да моло таҥасымашыште вий-куатыштым тергеныт. Тыгак походыш коштыныт, колым кученыт, Яльчик ер воктенысе мотор верлам шымленыт, тул воктене гитар сем почеш мурым муреныт. А кастене дискотекыште каненыт. Икманаш, спорт сбор мастарлыкым веле огыл тапташ, тыгак уш да чон дене канаш йӧным ыштен. Дзюдоист-влак у ту немме идалыклан ямде улыт!
Елена ГОДУНОВА.
А.Сергеевын фотожо.
