Ялын ончыкылыкшо верч

Марий Эл гыч вич тунемше «Большая перемена» всероссийский конкурсышто сеҥышыш лектын. Нунын коклаште Волжск оласе А.С.Пушкин лӱмеш   9-ше номеран школ гыч Маша НАЗАРОВА лийын. Ӱдыр 10-шо классыште тунемеш. Тудо «Предпринимай» таҥасыште ойыртемалтын. Вуйлаты-   ше – ОБЖ, историй, географий дене туныктышо С.О.Петров.

– Мый Марий Элысе туризм дене кылдалтше проектым кокымшо ий возем. Тений ял туризм дене пашам ыштенам. Мыйым ялысе илыш тургыжландара. Паша вер,  канде тул укелан, Интернет начар улмылан кӧра самырык-влак олашке илаш куснат. Ончыкыжым ялым мо вуча?! Марий Элыште могай гына сӧрал вер уке. Ялын ончыкылыкшо – мемнан, самырык-влакын, кидыште. Жапым шуйкалыде, тудым вияҥдыман, – ойла Маша.

  • Христина Александрова

    «Ямде лий» газетын редакторжо.

    Related Posts

    Пайдале сомыл

    Республикысе курчак театрыште «Эл – Театр – Школ» V всероссийский фестивальын кокымшо туржо эртаралтын. Тушто 12 команде мастарлыкшым жюри ончык аклаш луктын. 1-ше номеран Морко школ театрын самырык артистше-влакат нунын…

    Талешкым чапландарена

    22 апрельыште Йошкар-Оласе «Герои Отечества» тоштер-патриот рӱдерыште «Ший талешке» шымлыме паша конференций эртаралтын. Тушко республикысе тӱрлӧ районысо школла гыч 15 тунемше ден ик туныктышо ушненыт. Нуно «Талешке мемнан коклаште», «Элым…