Мый Озаҥ оласе 26-шо номеран лицейыште тунемам. Тений кокымшо классым тунем пытаренам. Кеҥеж канышем Балтач район Улисъялыште коча-ковам дене эртарем. Ковамлан пакчаш вӱдым шаваш полшем. Кочам дене пырля кӱтӱм кӱташ келша. Тыгак тудо тракторист. Тракторым тӧрлымыж годым эре пеленже шогылтам, инструментлам пуэдылам, иктаж-мом кучаш полшем. Полшымемлан кочам куана. А эше Ульсъялыште кажне толмемым йолташем-шамыч вучат. Ме нунын дене пырля жапым веселан эртарена. Кажне кастене мечым чумена, футбол дене модына. Бассейныште пырля йӱштылына. Кеҥеж пагыт эн весела. Тудым пайдалын эртарем, вий-куатым погем.
Святослав ПОЛИКАРПОВ.
Татарстан, Озаҥ.
