Телымсе пӱртӱс чоным куандара, уремышке ӱжеш. Курык гыч издер дене мунчалтена, ечым чиен, пӱртӱс лоҥгаш каена. А тушто оҥайым ужына, тӱрлӧкышам вашлийына. Илыш ончыко кая, телымсе йӱштат тудым чарен шогалтен огеш керт. Кышам ончен, ял воктене могай янлык коштмым вигак пален налаш лиеш. Мемнан дене ны рывыж, ны пире кышам от верешт. Лач ик гана мераҥ кышам ужынам. Тидлан моткоч йывыртенам.
Виктория ИВАНОВА.
Морко, Коркатово.
