12 мартыште Советский район Ӱшнӱр школышто «Ӱярня» йоча пайрем эртаралтеш. Тушто «Марий йӱла» квест-модыш лиеш. Республикысе тӱрлӧ школ гыч ӱдыр-рвезе-влак «Марий калык модыш», «Ӱярня кува», «Ӱярня такмак-влак» (онлайн) конкурслаште мастарлыкыштым тергаш тӱҥалыт.
Теле каныш годым Кутерем селасе «Нефтяник» тӱвыра пӧртыштӧ «Морозко» мюзиклым ончыктенна. Юзо лум пырче-влак пайремым весела куштымаш дене тӱҥалыныт. Мыят нунын коклаште лийынам. Марфушан рольжым авам модын. Снимкыште когыньнам ужыда.…
«Движение Первых» йоча толкын чолга ӱдыр-рвезе-влакым иквереш уша. Тудын радамыш пурышо-шамычын чотышт ий гыч ийыш ешаралтеш. Йоча-влак пырля ятыр поро пашам ыштат, кугыеҥ-шамычлан тӱрлӧ мероприятийым эртарымаште полшат, вийыштым, уш-акылыштым конкурслаште…