Школышто Ӱярня пайремым веселан эртаренна. Ме, 5-ше ден 6-шо класслаште тунемше-влак, Ӱярня курчакым ыштенна (снимкыште). Курчаклан ковамын шке ургымо тувыржым, шовыржым чиктенна, ончылсакышыжым ӱшталтенна, вуйышко шымакшым шынденна да нылыте пӱчшаш йолван шовычым пидыктенна. Шкежат марий вургемым чиенна да пайрем йӱла нерген каласкаленна.
Амалия ЗЫКИНА.
Марий Турек, Арбор.
