«Шонанпыл» йоча организацийын активистше-влак Изида (Зоя) Николаевна Филипповам (тынеш пурымо лӱмжӧ Зоя, садлан ялыште тыге маныт) 90 ий темме юбилейже дене саламлаш мийышна. Зоя павай пеш куаныш: тудо ятыр ий школышто техслужащий да школ пеленысе интернатыште йӱдымсӧ няне лийын. Йоча-влакым пеш йӧрата.
Зоя павай война тӱҥалме жаплан 11 ияш лийын. Шуко неле-йӧсым чытен лекташыже пернен, кугурак-влак дене тӧр пасуштат, фермыштат пашам ыштен. 60 ий марте шуко тӱрлӧ пашаште тыршен.
Кызыт Пӧтъялыште Толя эргыжын ешыж дене пырля ила. Чыланат тудым йӧратат да пагалат. 14 уныкаже, 26 кугезе уныкаже куандарат.
Пиалан шоҥгылыкым тыланен, тунемше-влак Зоя павайлан шочмо кечыже лӱмеш мурым мурышт, тудат пырля муралтыш. Шокшо чай дене сийлен, пырля мутланен шинчыш, йоча-влакын тунеммышт нерген йодышто. Кугу куан дене ужатыш, эше толаш шӱдыш. Таза лий, Зоя Николаевна! Тендан ончылно вуйнам савена.
Алина Тарасова.
Волжский, Пєтъял.
