«Теҥгылыште – книга дене»
Советский район Михайловка ялысе книгагудо «Теҥгылыште – книга дене» регион-влак кокласе акцийышке ушнен. Тудым Ростов-на-Дону оласе академик С.П.Королев лӱмеш йоча книгагудо-увер рӱдер увертарен. Кеҥеж каныш годым яндар южышто книгам лудмаш – ик эн оҥай да кӱлешан, пайдале сомыл. Книгагудо пашаеҥ С.В.Моторова ӱдыр-рвезе-влакым, иквереш поген, теҥгылыш шинчын, К.С.Ушинскийын «Умей обождать», «Спор деревьев» ойлымашыже-шамычым йӱкын лудаш кумылаҥден. Акций 28 июль марте шуйна. Кумылан-влак кажне кечын ушнен кертыт.
Э.СТЕПАНОВА.
