Волжск олаште «Нацийын кроссшо» таҥасымаш эртаралтын. Игече йӱран лийын гынат, кумылан-влак ятыр погыненыт. Тушко Марий Элысе тӱрлӧ район, пошкудо республикла да олала гыч 6-73 ияш еҥ-влак ушненыт. Меат йолташем-шамыч Ренат Хасаншин, Егор Нахимов да Макар Чикаев дене вийнам тергенна. Сеҥыше радамыш лектын огынал гынат, кумылна волен огыл. Вес ийлан сайынрак ямдылалтына. Ала сеҥышыш лектына?!
Давид ТИМОФЕЕВ.
Волжск, 2-шо номеран школ.