Канышем пайдалын да веселан эртарем. Татарстан Республик Зеленодольск оласе «Дельфин» санаторийыште шукерте огыл канаш пиал шыргыжалын. Тушто ме, художественный гимнастике дене «Вдохновение» группышко коштшо лу ӱдыр да тренерна К.В.Мещерякова, лийынна. Ме каненна, тренировкым эртаренна, тӱрлӧ мероприятийышке ушненна. Тылеч посна эмлалташ йӧн лийын. Бассейныш, массажыш коштынна, кислородный коктейльым йӱынна, галокамерыште шинченна, ароматерапий лийын, физкультур кабинетыште тӱрлӧ упражненийым ыштенна. Кечеш ныл гана чаплын пукшеныт. Чылаже лу отряд лийын. А.Е.Мещеряковын вуйлатымыж почеш байдарке дене ийын кошташ тунемынам. Мыланем пеш келшен. Ача-авамлан тыгай йӧным пуымыштлан тауштем. Каныме жап поро шарнымашеш кодеш.
Марина СТЕПАНОВА.
Волжский, Упшер.
