Волжский районышто куржталмаш дене таҥасымаш-влак чӱчкыдын эр-таралтыт. Ӱлыл Азъял воктене эртаралтше курыкысо куржталмашке еш дене шукын ушненыт. Нунын коклаште ача ден эрге Александр Михайлович ден Игнат Алкановмыт (снимкыште) лийыныт.
– Мый Озаҥ оласе 91-ше номеран школышто тунемам. Тыгай таҥасымашке ачай икымше гана конден. Тудак куржталаш кумылаҥда. Шке виемым тергенам. Ачай – мыланем пример. Школышто гандбол командышке коштам, тренировко чӱчкыдын лиеш. Футболла модаш йӧратем, – ойла Игнат.
Каникул жапыште Игнат ачажын шочмо кундемыштыже, Сотнурышто, кана. Яндар южышто йолташ-влак дене пырля мече дене модаш, капкылым пеҥгыдемдаш – тиде пеш сай йӧн. Ачан спортым йӧратымашыже эргыжлан куснен гын, моткоч сай!
Авторын фотожо.
