Кумдан чапланыше Сергей Чавайнын бюстшым Изи Корамас ялыштем шукерте огыл шогалтеныт. Кугыеҥ-влакын ойлымышт почеш, эн ондакше ты бюст поэтын тоштер кудывечыжым сӧрастарен. Вара Чавайн лӱмеш колхозын Чодыраялыште верланыше правлений ончылно верланен. Мемнан ялыш шогалтымым чынлан шотлем. Вет Изи Корамас – тудын шочмо ялже. Тек тидым чылан палат да, у памятникым ончалын, Сергей Чавайным шарналтат.
Ярослава СЕМЁНОВА.
Морко район.
Фотом еш архив гыч налме.
6-11 июльышто Йошкар-Олаште И.С.Палантай лӱмеш тӱвыра да сымыктыш колледжын Национальный сымыктыш гимназийыштыже илыш шолеш. Амалже – XVIII Российысе марий самырык тукым слёт. Тушко Марий Эл, Татарстан, Башкортостан, Удмурт республикла, Виче,…
Йошкар-Оласе 80-ше номеран «Ӱжара» йочасадыште шуко роза пеледыш уло. Нуным йочасадын ончычсо вуйлатышыже Вера Ивановна Вертинская шынден коден. Роза – пеледыш-влакын кугыжашт. Тӱнямбалне 20 тӱжем тӱрлӧ роза уло. Шочмо элжылан…
