Ончалза йырымваш: Марий Элна могай мотор! Чодырана моткоч поян. Кож, пӱнчӧ, куэ, тумо, писте, шопке… Могай гына емыж-саска огеш куш. Жапыштыже поген да тамлен веле шукто. Южшо могай яндар, тыгай пушым тетла нигушто от шиж. Пасушко могырыш ончалат: трактор, комбайн-влак куткыла пашам ыштат. Шурным ӱдат, вара тӱредыт. Шочмо кундемыштына эҥерже мыняре: Элнет, Юл, Какшан, Вончо. Ерже-влакым шотлен от пытаре: Мӱшылъер, Конанъер, Олаҥгыер, Таир, Сузыер да ятыр молат. Марий Эл талантан серызе-влак дене поснак кугешнен кертеш: С.Чавайн, М.Шкетан, В.Колумб, О.Ипай, С.Николаев, Й.Кырла, Н.Игнатьев да молат. Марий Элын поянлыкше нерген шуко возаш лиеш.
Дима ВЕДЕНЬКИН.
Шернур посёлко.
Шернур посёлко.
