22 август гыч 7 сентябрь марте Волгоград областьыште «Зарница 2.0» всероссийский сарзе-патриотизм шӱлышан модмаш эртаралтын. Тушко Россий, Абхазий да Кечывалвел Осетий гыч 900 утла самырык еҥ ушнен. Марий Элын чапшым Волжск оласе А.С.Пушкин лӱмеш 9-ше номеран школын «Родина» сарзе-патриотизм клубшын участникше-шамыч (снимкыште) араленыт. Ӱдыр-рвезе-влакын чулымлыкышт, вийышт, писылыкышт сеҥымашке шуаш полшеныт. Нуно «Кама» армий радамыште таҥасеныт да военно-тактический модмаште чылаштым ончылтеныт. Иктешлыше кредалмаште кокымшо верым сеҥен налыныт. Комбинироватлыме маршыште сай результатым ончыктеныт. Тале отрядым да тудын наставникше В.А.Силантьевым ты сеҥымаш дене саламлена. Шочмо элын чын патриотшо лияш тыланена.
Оля МАЙКОВА.
Фотом «ВКонтакте» воткылысе «Движение Первых / Марий Эл» тӱшка гыч налме.
