«Живая классика» всероссийский конкурсын регионысо йыжыҥжым иктешленыт. Тений тудо онлайн эртаралтын. Рушла лудшо-влак коклаште ойыртемалтыныт: Егор Самаров (Килемар, Визимъяр), Аня Долгорукова (Килемар школ), Настя Бояринцева (Йошкар-Оласе 5-ше номеран «Обыкновенное чудо» школ). Марла лудшо-влак коклаште сеҥышыш лектыныт: Антон Алексеев (1-ше номеран Морко школ), Дима Веденькин (1-ше номеран Шернур школ), Алина Саматаева (Курыкмарий, Эмӓнсола).
