«Живая классика» всероссийский конкурсын регионысо йыжыҥжым иктешленыт. Тений тудо онлайн эртаралтын. Рушла лудшо-влак коклаште ойыртемалтыныт: Егор Самаров (Килемар, Визимъяр), Аня Долгорукова (Килемар школ), Настя Бояринцева (Йошкар-Оласе 5-ше номеран «Обыкновенное чудо» школ). Марла лудшо-влак коклаште сеҥышыш лектыныт: Антон Алексеев (1-ше номеран Морко школ), Дима Веденькин (1-ше номеран Шернур школ), Алина Саматаева (Курыкмарий, Эмӓнсола).
Кеҥеж, чевер кеҥеж, тый шокшо игечылан, тӱрлӧ тӱсан чиялан веле огыл, емыж-саскалан, пакчасаскалан поян улат! Сад-пакчашке лектын, тамле пушым шижын, мӧржымат, эҥыжшымат тамлен ончымо шуэш. Но нуно идалык мучко мемнам…
«Движение Первых» йоча толкынын школ пеленысе ушемын председательжын тӱҥ сомылжо – ӱдыр-рвезе-влаклан ой-каҥаш дене полшаш, нуным мер пашалан кумылаҥдаш, туныктышо-шамычлан тӱрлӧ мероприятийым эртарымаште эҥертыш лияш. Тудо чулым, йырже икшыве-влакым чумырен…