Жап моткоч писын эрта. 9-ше, 11-ше класслаште тунемше-влак экзаменлан ямдылалтына. Школышко консультацийыш коштына, мӧҥгыштат ятыр жап шинчылташ логалеш. Туныктышо-влак келге шинчымашым пуат. Иктаж-мом сайын огына пале – умылтарат. Чонышто тургыжланымаш кумыл садак озалана. Мӧҥгыштӧ авам эре тыге лыпландара: «Ит ойгыро, ӱдырем, чыла палет, экзаменым садак кучет». Заданий-влак куштылго огытыл, ушым пудыраташ таратат. Но тунемат гын, неле огыл. Мый сайлан веле ӱшанем.
Юлия ЯГОДАРОВА.
Советский, Кельмаксола.
