Фронтышто лийше-влакын шарналтымыштым лудаш да каласкалымыштым колышташ мыланна, самырык тукымлан, моткоч оҥай. Шучко кредалмаш, сарын геройжо, икшывыже-влак нерген ятыр книга возалтын. Йоча-влак кугыеҥ-шамыч дене тӧр пашам ыштеныт, ойгыреныт, шортыныт. Чыла чытеныт да Сеҥымаш кечым лишемдаш полшеныт. Нунылан кӧра тукым умбакыже шуйнен, да ме шочынна. Тыныс илышым пӧртылтышӧ-влакым эре шарнена.
Кирилл ЧУМАЕВ.
Параньга, Олор.
