5-9 январьыште самырык-влаклан СМИ ден киностудий-шамычын «Волжские встречи-33» тӱнямбал фестивальышт Озаҥ олаште эртаралтын. Тушко Российын кумло кум регионжо гыч 500 наре ӱдыр-рвезе ушнен. Нуно тренингыште, мастер-классыште, викториныште уш-акылыштым тергеныт да вияҥденыт. Йошкар-Ола гыч «Кадр» документ киностудий «Новое детское кино» да «Народный проект» таҥаслаште сеҥышыш лектын. Мария Куклиналан, Евгения Авдеевалан, Екатерина Соловьёвалан дипломым да чапле пӧлекым кучыктеныт.
«Кадр» эн ончылно
