Кайык пайрем

Шернур район Шӱдымарий йочасадыште кайыклан пӧлеклалтше пайремым Шокшем Памаш библиотекым вуйлатыше Л.С.Журавлева оҥайын эртарен. Йоча-влак  палыме шулдыран йолташышт-шамыч нерген почеламутым калас-каленыт, мурым муреныт. Людмила Семеновна тӱрлӧ кайык нерген палдарен. Икшыве-влак келшыше кайыкым ойырен сӱретленыт. Мучашлан «Куэрыште – кайык-влак» пырдыжгазетым келыштареныт. Л.С.Журавлевалан таум ойлена да вес вашлиймашым вучена.

Богдан СОЛОВЬЕВ ден коваже Л.В.СОЛОВЬЕВА.