Чебоксар олаште «Успешная семья Приволжья — 2022» конкурсын финалже эртаралтын. Юл кундем федерал округын тӱрлӧ регионжо гыч 14 еш ушнен. Еш-влак йӱла, пиалан еш илышын секретше дене палдареныт, усталыкыштым ончыктеныт, шочмо кундемышт нерген каласкаленыт. Марий Элын чапшым Волжский район гыч Яранцевмыт еш арален да «Приз зрительских симпатий» таҥасыште икымше верыш лектын.
Тамара Анатольевна Яранцева кок шке шочшыжым да ашнаш налме ныл икшывым ончен куштен. Кызыт – эше вич йочалан ава. Яранцевмыт еш спорт дене пеҥгыде кылым куча, походыш кошташ йӧрата, «Юл сем» ансамбльын чолга участникше.
