«К» буквалан мыскара
Кеҥеж каныш кече. Костя койкышто кадырген кийылтеш. Кидыштыже – канде коман, кевыт кинде кӱжгытан книга.
– Котлетым кӱктенам, команмелнам, кочкаш кынел, – коҥгадӱрнӧ кокаже куатлын каласыш, ковыштам кондаш кенеташте кайыш.
Костя кишкыла кадыргыл-карнышт кынеле. Коштен кудыртымо кремлыме кирзе кемжым кырт-карт кочыртатыктен, кӱварыште койышланен коштеш. Кенета кокажым колын, кемжым кудаш кудалтыш.
– Кыш-кыш, керемет каза, кугешныше киямат! – кока каралтен колтыш.
– Кушто казаже? – койдарымыла кечкыжале Костя да кокажын кычкыркалымыжым колыштын куржо.
Корем Кыстынчин каҥга казаже крыжовник коклаште кудалыштеш. Кок кугу ковыштам кочкын колтенат, кернак, кешырым кошартынеже. Кенчерна кокаже, кидышкыже кинде кольмым кучен, казам карген кожгатылеш.
Костя кудышкыжо куржо. Кочажын кол кучымо кугу кошталтышыжым кондыш. Казам колла кучынеже. Каза кудалыштеш. Костя когаргыш, крыжовник коклаште кычкырен, кокырен куржталшыжла камвозо, курткыжат кушкедлыш. Кыдалжым кучен, кечкыж кийылтеш, кутыркала: «Каварен кертдыме каза, коваштетым, кушкедын, кашташте кошкымешке кечыкташ».
Каза когаргыш, Костям колышто. Каналтышат, кӱжгӧ кешырым кочкын, коремыш кудале.
Кокаже Костям кынелтыш, коктын кудышко кутырен-кутырен кайышт.
Яков ЕГОРОВ.
