Советский посёлкысо 3-шо номеран школын тунемшыже Анжела Романова – уста волонтёр, тале активистке. Йоча усталык пӧрт пеленысе «Радуга добра» ушемын ик эн чолга еҥже.
– Ме РДШ-ын эртарыме тӱрлӧ конкурсышто мастарлыкнам ончыктена. ™дыр-рвезе-влакым кумылаҥдена. Йоча-влаклан мероприятийлам ямдылена, слётым эртарена. «Будь готов! Всегда готов!», «Георгиевский бал» конкурслаш икшыве-влак кумылын уш-неныт. Йоча-влакым аралыме тӱнямбал кечылан пӧлеклатше пайремыш икшыве-шамычым погенна, модыш аланым, викториным эртаренна, – ойла Анжела.
Чолга ӱдыр «Весна 45 года», «Илыше классике» районысо конкурслаште сеҥышыш лектын. Российысе таҥасымашлашкат ушна. Шукерте огыл «Лаборатория РДШ» конкурслан «Ядерное оружие» эссем возен да видеом ыштен. Кызыт иктешлымашым вуча. «Океан», «Смена» всероссийский йоча рӱдерлаште канен. Оҥай вашлиймаш, куаным да пайдам кондышо кажне кече-влак эрелан шарнымашешыже кодыныт. Санкт-Петербург гыч тале историк, эксперт Станислав Аманов чылт поро йолташыже гай (снимкыште Анжела дене пырля).
