Йӱлаш пурышо «Лӱдыкшыдымӧ орава» республикысе конкурс Йошкар-Олаште 46-шо эртаралтын. Районлаште сеҥышыш лекше 16 команде кок кече жапыште таҥасен. Самырык инспектор-шамыч корнышто коштмо правил-влакым палымыштым тергеныт, велосипед дене чын кудалышт да икымше полышым пуэн моштымыштым ончыктеныт. Кугу Ачамланде сарыште Сеҥымашлан 80 ий теммылан пӧлеклалтше «Дороги Победы» творческий номерым ямдыленыт.
– Марий Эл Республикысе школлаште самырык инспектор-влакын 165 отрядышт пашам ышта. Тушто 2451 тунемше уш-акылжым пойдара да мастарлыкшым вияҥда, – палемден Образований да науко министр Лариса Анатольевна Ревуцкая.
Конкурсышто Волжск оласе лицейын «Перекресток» ЮИД командыже (снимкыште) икымше верым сеҥен налын. Тудо «Лӱдыкшыдымӧ орава» всероссийский конкурсышто шинчымашыжым тергаш тӱҥалеш. Волжский район Памар школын «БОНД» командыже кокымшо лийын. Курыкмарий район Виловат школын командыже кумшо верыш лектын.
Людмила ГРИГОРЬЕВА ямдылен.
Фотом Марий Эл Республикысе Образований да науко министерствын «ВКонтакте» соцкылысе тӱшкаж гыч налме.
