«Радуга» йочасадыште Киса кечым пайремленна. Тыкечым арамлан огыл палемдат.Русьышто киса Юмын кайыклан, ончылгоч каласышылан,шотлалтын. Калык палат уло:киса-влак тӱшка дене сурт воктеке чоҥештен толыт гын, вашке йӱштӧ лиеш.
Пайремыште йоча-влаклан Марий кундемеш телылан кодшо кайык-шамыч нерген каласкаленна. Нунылан кузе полшаш лийме нерген умылтаренна. Киса-влакым ненченна да сӱретленна. Эн куанлыже кайык кочмыверым сакымаш лийын(снимкыште). Тушко кочкышым пыштенна. Кисан йӧратыме кочкышыжо – тиде жаритлыдыме кечшудо, шӱльӧ, таршӱраш,шинчалтыдыме коя падыраш да коштымо пызлыгичке.
Тыгай пайрем йоча-шамычым пӱртӱсым йӧраташ туныкта. Ынде икшыве-влак палат: кайык-шамычлан теле лӱдыкшӧ огыл, нунын ӱшанле йолташышт уло.
Ирина СЕМЁНОВА.
Медведево, Новый.
Авторын фотожо.
