Ынде кумшо ий мемнан класс вуйлатышына – руш йылмым да литературым туныктышо Эвелина Анатольевна Егорова (снимкыште). Тудо мемнам тӱрлӧ могырым вияҥда. Каникул жапыште тӱрлӧ вере коштыкта. Класс вуйлатышына школышто тунеммыж годым чолга юнкор лийын, «Ямде лий» газет дене пеҥгыде кылым кучен. Мемнамат ты пашалан кумылаҥда. Газетеш савыкталтше заметкына, сӱретна-влакым посна альбомеш чумыра. Эвелина Анатольевна сылнымутлан шӱман. Шке возымо почеламутшо-шамычым «Живые струны сердца моего» книгашке чумырен да савыктен луктын.
Класс вуйлатышына газет, книга, журнал кузе савыкталтмым мыланна ончыктынеже. Йошкар-Олашке типографийыш экскурсий дене каяш шонена. Шонымашна ала шыже каникул годым шукталтеш. Моткоч ӱшанена.
7-ше классыште тунемше-влак.
Волжский, Сотнур.
Фотом еш архив гыч налме.
