«Шыжын поянлыкше» фотоконкурсым иктешлаш жап шуын. Тений, чынжымак, идалыкын ты пагытше поян, мотор, кумылым нӧлтышӧ лийын. Йоча-влаклан сылне фотографийым ышташ пӱртӱсшат полшен. Нуно тӱрлӧ татым фотошко войзен коденыт. Пакчасаска дене поснак шуко фотографий лийын. Шыжын поянлыкше нерген шарнымаш тыге ятыр жап аралалтеш. Ӱдыр-рвезе-влак ешартыш лайкым погаш манын, фотошт пелен заметкым возеныт. Тӱрлӧ йӧным кучылтын, «Ямде лий» газетлан подпискым ыштеныт. Ты шотышто ача-ава, коча-кова-влак кугун полшеныт.
Тау нунылан!
Конкурсышто эн шуко лайкым Кужэҥер район Купсолаште илыше Егор Мамаев поген да сеҥышыш лектын. Шокшын саламлена да редакцийышке пӧлеклан вучена.
