Тунемше-влакын всероссийский олимпиадыштын регионысо этапшын да финалжын лектышыжым Йошкар-Оласе 28-ше номеран лицейыште иктешленыт. Регионысо йыжыҥыште сеҥышыш лекше 36 ӱдыр-рвезылан грамотым да медальым кучыктеныт. Тышеч 3 тунемше олимпиадын финалыштыже келге шинчымашым ончыктен: технологий, географий, химий предметла дене сеҥыше да призёр лийыныт.
Всероссийский олимпиадын регионысо этапшым иктешлыме почеш, Политехнический лицей-интернат, Йошкар-Оласе 28-ше номеран лицей, Бауман лицей эн шуко сеҥыше ден призёрым ямдыленыт. Ялысе школ-влак коклаште Шуко профилян лицей-интернат ойыртемалтын
