«Священные природные рощи» тӱнямбал фотоконкурсышто Оршанке район Кугу Ӧрша гыч 10 ияш Радимир Козлов сеҥыше-влак радамыш лектын. Тудлан 200 евром кучыктеныт. Рвезе, Кугу Ӧрша ял воктене верланыше отым войзен, «Куэрла кӱсото» фотом (снимкыште) колтен.
– Ачам ялысе кӱсотыш калык угыч кошташ тӱҥалже манын шона.
Верысе калык отын шнуй вийжылан ӱшана. Кажне отышто онапу уло. Мемнан дене – тошто писте. Тудо мыланем моткоч кӱкшын да кӱжгын чучын. Марий калык историйже нерген ачамын каласкалымыжым колышташ моткоч йӧратем, – ойла Радимир.
«Куэрла кӱсото» сеҥен
