Кадетский ден мариинский класс-влакын телымсе всероссийский погынымашышт Сочи олаште лийын. Марий Эл Республик гыч 3-шо номеран Медведево школын кадетше-шамыч миеныт.
– «Край родной, навек любимый» теме дене визитный картычкына икымше верым налын. Йоча-влак тӱрлӧ предмет дене шинчымашыштым тергеныт, да ятырын сеҥышыш лектыныт. Школ команде-шамычын робототехнике дене «ROBO MO-VEMENT» чемпионатыштышт «Орлята» команде чыланыштым ончылтен, «Беркут» кокымшо лийын. Ӱдыр-рвезе-влак спорт таҥасымашлаштат ойыртемалтыныт, – ойла школ директор Л.Чугунова.
Иктешлымеке, «Беркут» команде Гран-прим сеҥен налын. Нунылан корабльын медальжым кучыктеныт. «Орлята» команде кокымшо лийын.
