Волжск олаште «Нацийын кроссшо» таҥасымаш эртаралтын. Игече йӱран лийын гынат, кумылан-влак ятыр погыненыт. Тушко Марий Элысе тӱрлӧ район, пошкудо республикла да олала гыч 6-73 ияш еҥ-влак ушненыт. Меат йолташем-шамыч Ренат Хасаншин, Егор Нахимов да Макар Чикаев дене вийнам тергенна. Сеҥыше радамыш лектын огынал гынат, кумылна волен огыл. Вес ийлан сайынрак ямдылалтына. Ала сеҥышыш лектына?!
Давид ТИМОФЕЕВ.
Волжск, 2-шо номеран школ.
Кеҥеж, чевер кеҥеж, тый шокшо игечылан, тӱрлӧ тӱсан чиялан веле огыл, емыж-саскалан, пакчасаскалан поян улат! Сад-пакчашке лектын, тамле пушым шижын, мӧржымат, эҥыжшымат тамлен ончымо шуэш. Но нуно идалык мучко мемнам…
«Движение Первых» йоча толкынын школ пеленысе ушемын председательжын тӱҥ сомылжо – ӱдыр-рвезе-влаклан ой-каҥаш дене полшаш, нуным мер пашалан кумылаҥдаш, туныктышо-шамычлан тӱрлӧ мероприятийым эртарымаште эҥертыш лияш. Тудо чулым, йырже икшыве-влакым чумырен…