Советский посёлкысо йоча усталык рӱдер пеленысе «Радуга добра» волонтёр отрядын чолга активистше-влак «PRO Марий Эл» онлайн-квизым эртаренна. Модышым Калыкын икоян улмо кечылан пӧлекленна. Отряд вуйлатыше А.Н.Яровикова Марий Эл Республик нерген тӱрлӧ йодышым ямдылен. Модмашке Советский район гыч латныл команде ушнен. Кум туран квиз-модышышто ӱдыр-рвезе-влак уш-акылыштым, писылыкыштым тергеныт, тӱрлӧ йодышлан вашмутым кычалыныт. Кукмарий школын «Малинник» командыже эн пӱсӧ ушан лийын, икымше верыш лектын.
Настя СОЛОВЬЁВА.
3-шо номеран Советский школ.