Марий Элыште «Навигатор йолташ» марий йоча модыш конкурсым увертарыме нерген пален налмеке, Морко район Эҥерсола школышто тунемше орлёнок Кира Тарасова (снимкыште) вигак кумылаҥын. Тудо «Марий чодырасе мераҥым» ямдылен. Тиде тыглай пушкыдо модыш огыл. Мераҥ – унам вашлийын моштымашын да шочмо мландым пагалымашын символжо. Кира модышыжым марий тӱр дене сӧрастарен.
Тыгай конкурсын пайдаже моткоч кугу. Йоча-шамыч кидпашалан шӱмаҥыт, икшыве ден кугыеҥ коклаште вашкыл пеҥгыдемеш, шочмо кундемын, ешын поянлыкшым аклаш тунемыт.
Киралан конкурсышто сеҥымашым тыланена!
Галина СОШИНА.
Фотом школ архив гыч налме.
