Йошкар-Олашке мийымына годым Марий паркыш пурышна. Йырже ончен эртышна. Шке районна нерген уверым ужмеке, Ксюша шӱжарем дене (снимкыште) йывыртышна. Моло районла денат палыме лийна. Вара пу скульптур-шамыч шинчалан пернышт. Кажныжым тӱслен ончышна. Тыгайым пӱчкедаш могай кугу мастарлык кӱлеш, шоналтышна. Марий тӱран теҥгылыште шинчышна, лӱҥгалтышыште шер теммеш лӱҥгалтышна. Йоча площадкыште модна. Кугу сценышкат шогалын ончышна. Марий паркыште моткоч келшыш.
Алина СУББОТИНА. 2-шо номеран Морко школ.
Фотом еш архив гыч налме.
