Чодыраште Маска илен. Тудо эҥыжым кочкаш моткоч йӧратен. Ик кечын Маска ялысе эҥыжым тамлен ончаш кумылаҥын. Но кӧ пала: тушто эҥыжше чеверген мо? Ты уверым лач шогертен гына каласен кертшаш. Маска тыгак ыштен. Вара ялыш топыртатен. Уремыште Маскам ужын, калык капкам тӱкылен. Кӧ пычалым, кӧ шаньыкым, кӧ шугыньым, кӧ то варым налын. Шке семынышт аралалтыныт. Каврий веле лӱдын огыл. Тудо лач пазарыш эҥыжым ужалаш тарванен улмаш. Маска марий деке лишемын да йодын:
– Кушко кает, марий?
– Пазарышке.
– Могай сомыл дене тарване нат?
– Эҥыжым ужалынем.
– Эҥыжым! – куанен кычкыра лын Маска.
– Мыланем ужалет мо?
– Йӧра. А кузе тӱлет?
– Оксам уке. Но мый тыланет паша дене полшен кертам.
– Тугеже чодыра воктене пасум куралаш полшо. Мый шу кертак тушто пареҥгым шындынем.
– Полшем-полшем. Ик корзиҥга эҥыжым веле намияш ит мондо, – йывыртен Маска.
– Келшем, – вашештен Каврий.
Икмыняр жап гыч Каврий чодыра воктене у пакчам почын, пареҥгым шынден. Ялысе калык ӧрын: «Кузе Каврий тушто нурым почаш лӱдын огыл? Ты кундемыште вет Маска коштеш!» Каврий ден Маска гына икте-весылан полшен иленыт. Каврий эҥыжым поген ямдыла, Маска мланде пашам ышта.
Саша ИВАНОВ.
Морко, Коркатово.
Нейросеть полшымо дене ыштыме фото.
