Кажне кундемыште мастар кидан еҥ уло. Икте тӱрла, весе пидеш, кумшо уа гыч тодыштеш, нылымше шун гыч ненча. Усталык шӱлышан еҥ-влакын пашаштым самырык-шамыч шымлат. Тыгай кумылан улыт Советский район Кельмаксола школ гыч Диана Павлова ден Дана Актанаева. ™дыр-влак туныктышышт Р.Н.Рассолова дене кугешнат. Тудын нерген «Мастар кидан туныктышем» шымлыме пашам возеныт.
– Кельмаксола кундем мастар еҥлан поян. Нунын кокла гыч иктыже – Рая Николаевна. Тудын кидше шӧртньӧ. Тӱрла, салфеткым, вургемым, мушкышым пидеш. Ыштен моштыдымо пашаже уке, шонет. Ме туныктышына дене вашлийын кутыренна, школ тоштерыште уверлам шергалынна. Рая Николаевнан пелашыже школлан «Мый Кельмаксолам йӧратем» манын возыман стендым ямдылен. Алиса ӱдырыштат кидпашалан шӱман. Школлан ятыр арверым пӧлеклен. Ешыште чыланат мастар улыт, – ойлат Диана ден Дана.
Ӱдыр-влакат туныктышышт деч вараш ынешт код. Марий тӱрым ырес дене тӱрлат, крючок дене пидыт. Туныктышышт гай мастар кидан лийнешт.
