Окнаште келыштарыме москит сетке пӧлемым шыҥа, карме пурымо деч арала. Но тудо изи йочалан моткоч лӱдыкшӧ. Сеткыш эҥертымеке, окна гыч камвозаш лиеш. Мом ыштыман:
– окнам почмеке, пӧлемеш йочам шкетшым ида кодо;
– окна модмо вер огыл. Тидын нерген умылтарыза;
– йоча ончылно, окна гыч вуйым чыкен, уремыш ида ончо;
– пӱкен, диван але вес арверым окна воктек ида вераҥде;
– окналондемыш кугырак арверым шындыза;
– окна кузе почылтмым ида ончыкто;
– тӱкылтышым але авыртышым шындыза.