Художественный гимнастике дене ик таҥасымаште пӧлек шотеш алмаз мозаикым пӧлекленыт ыле. Моло ӱдыр-влаклан пеледыш, пырыс да моло сӱретан логалын гын, мыланем — имне. Моткоч куаненам! Тудо кечынак погаш тӱҥалынам. Кажне кечын шинчылташ йӧн лийын огыл: урокымат ыштыман, ача-аваланат сурт сомылкам ышташ полшыман. Ушышто эре ик шонымаш пӧрдын: Имне идалык лишемеш, кузе-гынат шуктыман! У ий вашеш моткоч мотор имне лектын (снимкыште). Тудо мыланем у кӱкшытыш шуаш вий-куатым ешара манын ӱшанем.
Марина СТЕПАНОВА.
Волжский, Упшер.
