15-17 апрельыште Медведево тӱвыра да каныме рӱдерыште «Театральная юность Марий Эл» республикысе йоча театр коллектив-влакын открытый фестивальышт эртаралтын. Медведево, Оршанке, Морко, Звенигово районла, Йошкар-Ола да Киров ола гыч уста ӱдыр-рвезе-шамыч мастарлыкыштым ончыктеныт. Оршанке посёлкысо тӱ вырада каныме рӱдерын «У Мурочки» образцовый театр-студийже «Раз, два, три, четыре, пять… Машенька идёт гулять…» спектакль дене Гран-прим сеҥен налын.
– Спектакль кызытсе жаплан келшен толеш. Тудо йочам йолташ шеҥгек шылаш огыл, а ончылно лияш, шке вийлан ӱшанаш туныкта. Машенькан рольжым модмемлан «Лучшая женская роль» дипломым кучыктеныт. Моткоч йывыртенам, – ойла «У Мурочки» театр-студийыш коштшо Анфиса Столбунова.
Фестиваль кышкарыште латик спектакльым ончыктеныт. Артист койышан йоча-влак келшымаш, ача-ава кокласе кыл, сар да ятыр вес келге темым авалтеныт.
– Йоча театрлаште мастарлыкым вияҥдыше икшыве-шамыч шке сомылыштым уло чон дене йӧратат. Тидыже шинчаончалтышышт гычак коеш. Нуно йырышт моторлыкым шекланаш тунемыт, уста койыш-шоктышан, илышын сылнылыкшым шижын моштышо улыт, – палемдыш М.Шкетан лӱмеш Марий кугыжаныш драме театрын тӱҥ режиссёржо О.Г.Иркабаев.
Оля МАЙКОВА.
Авторын фотожо.
