Олыкъялыште верланыше Н.С.Мухинын тоштер-пӧртышкыжӧ экскурсий дене мийышна. Мемнам тоштер вуйлатыше В.В.Михайлов порын вашлие. Тушко пурымеке, шинчана шарлыш: сурткӧргыштӧ кучылтмо ожнысо ӱзгар-влак, поэтын пальтожо, сумкаже, тӱрлӧ арверже-шамыч да молат улыт. Ме Н.С.Мухинын тукымвожшо дене палыме лийна. Тыгак мастер-классышке ушнышна: йыдалым пидаш тунемна. Класс вуйлатышына-влак Надежда Альбертовна ден Аида Викторовна, тошто марий вургемым чиен, Пампалче ден Унавийыш савырнышт. Мыланна чылажат келшыш, теат миен толза.
8-ше классыште тунемше-влак.
Морко, Кожлаер.
