Ече дене мунчалташ эр тунемынам. Изам-влак сай примерым ончыктеныт. Нуно пеш талын коштыныт, мыйынат вараш кодмем шуын огыл. Кызыт курык гыч лӱдде волем, курык вуйышкат тыманмеш кӱзем. Тений класс дене ий еда эртаралтше таҥасымашке ушненна (снимкыште). Икымше классыште веле тунемына гынат, ече дене ӱшанлын мунчалтена. Шке таҥашем-влак коклаште икымше верым сеҥен налынам. Туныктышемат мок талтен: «Пеш молодец улат. Тыгаяк писе, виян лий. Сеҥымашет дене умбакыжат куандаре».
Фёдор АЛЕКСАНДРОВ.
Морко, Арын.
Фотом школ архив гыч налме.
