Сурт-оралте шеҥгел пакчаште кушшо 22 олмапу, ошын койын пеледын, чоннам куандара. Но кажне ийын олмаже ок шоч. Молан тыге? Кочам умылтарыш: «Ик ийын олмапу укшлажым ешараш вийжым кучылтеш. Тӱзланен кушкеш. Вес ийынже саскам пуа». Тений мыняр килограмм олма шочшашым шотлаш кумылаҥым. Ик олмапу кокла шот дене 100 килограмм олмам пуа гын, 2200 килограмм лиеш. Тынар олма дене мом ышташ? Кочкына, вареньым, повидлым шолтена, компотым, сокым ямдылена. Шонен муым: кӧн кумылжо уло гын, шыжым толза мемнан деке унала.
Даша СОШИНА.
Морко, Купсола.
