«Марий Чодра» национальный парк кумдыкышто «Чодыран йолташыже-влак» туризм слёт эртаралтын. Тушко тӱрлӧ школ гыч йоча-шамыч погыненыт. Пӧтъял школ гыч изирак ийготан-влакын «Защитники леса» да кугурак-шамычын «Живая планета» командышт таҥасеныт. Тунемше-шамыч спорт ориентирований, туризм, чодырам куштымо дене шинчымашыштым тергеныт. «Живая планета» кокымшо верыш, а «Защитники леса» кумшыш лектыныт. Йоча-влак личный зачётышто кок икымше верым, кандаш кокымшо верым да кок кумшо верым сеҥен налыныт.
Н.ВАСИЛЬЕВА.
Волжский район.
